اسلام آباد(مانیٹرنگ ڈیسک)پاک افریقا میچ تیز بارش کے سبب روک دیا گیا،آئی سی سی ٹی ٹوئنٹی ورلڈ کپ کے سپر 12 مرحلے کے میچ میں پاکستان نے جنوبی افریقا کو جیت کے لیے 186 رنز کا ہدف دیا ہے۔میڈیا رپورٹس کے مطابق اگر بارش کی وجہ سے میچ شروع ہونہ ہوسکا
تو ڈی ایل ایس میتھڈ کے تحت جنوبی افریقہ کو ایک گیند پر 22 رنز سکور کرنا ہونگے ، جو کہ ناممکن ہے ، اس صورت میں پاکستان جنوبی افریقہ کوشکست دیکر دو قیمتی پوائنٹس حاصل کرلے گا۔جنوبی افریقہ 9 اوورز میں 4وکٹوں کے نقصان پر 69 سکور بنا چکا ہے۔سڈنی کرکٹ گراؤنڈ میں قومی کپتان بابر اعظم نے ٹاس جیتا اور جنوبی افریقا کو فیلڈنگ کی دعوت دی، قومی ٹیم نے مقررہ 20 اوورز میں 185 رنز بنائے، ٹیم کا اسکور یہاں تک پہنچانے میں شاداب خان، افتخار احمد، محمد حارث اور محمد نواز نے کلیدی کردار ادا کیا۔اننگز کے آغاز پر ہی محمد رضوان نے چوکا مارا اور 4 رنز بناکر وین پرنیل کی گیند پر بولڈ ہوگئے، اس کے بعدمحمد حارث نے 11 گیندوں پر 28 رنز کی دھواں دھار اننگز کھیلی جس میں 3 چھکے اور 2 چوکے شامل تھے۔ کپتان بابر اعظم 6 ، شان مسعود 2 اور محمد نواز 28 رنز بناکر پویلین لوٹے۔پاکستانی ٹیم کا اسکور افتخار احمد اور شاداب خان نے سنبھالا، دونوں نے بالترتیب 51 اور 52 رنز کی اننگز کھیلی۔اس کے علاوہ وسیم جونئیر صفر، حارث 3 رنز بناکر آؤٹ ہوئے جب کہ نسیم شاہ 5 رنز بناکر ناٹ آؤٹ رہے۔
