لاہور ( این این آئی) مقبول ترین میسجنگ سروس واٹس ایپ نے ایک نیا اور شاندار فیچر لانے کی تیاری کر لی، نئے فیچر کے تحت واٹس ایپ گروپ میں میسج کے ساتھ بھیجنے والے کی پروفائل تصویر بھی نظر آئے گی۔وابیٹا انفو کے مطابق واٹس ایپ کا یہ فیچر اسی ہفتے ریلیز کیا جائے گا جو بائی ڈیفالٹ ان ایبل ہوگا جسے بند نہیں کیا جاسکتا۔واضح رہے کہ فیس بک میسنجر میں یہ فیچر پہلے سے موجود ہے اور چیٹ کے دوران میسج بھیجنے والے کی تصویر نظر آتی ہے۔اسکے علاوہ واٹس ایپ ایک اور نئے فیچر کی بھی آزمائش کررہا ہے جس میں آپ خود کو بھی کوئی میسج بھیج سکیں گے۔نئی اپڈیٹس کے بعد واٹس ایپ آپ کا فون نمبر کانٹیکٹ لسٹ میں دکھائے گا جبکہ صارفین ایک یوزر کے ساتھ بھی واٹس ایپ گروپ بناسکیں گے۔