لندن ( این این آئی) انگلینڈ کے سابق بیٹر اور کمنٹیٹر کیون پیٹرسن نے ٹی ٹونٹی ورلڈ کپ کے انعقاد پر سوال اٹھا دیا۔سوشل میڈیا اکائونٹ پر کیون پیٹرسن نے لکھا کہ یہ ورلڈ کپ آسٹریلیا میں جنوری اور فروری میں کیوں نہیں کھیلا جا سکتا تھا، کیا کسی کو معلوم ہے؟۔سابق انگلش بیٹر کے سوال پر ان سے کئی لوگوں نے اتفاق کیا اور سینکڑوں نے اپنی رائے کا اظہار بھی کیا۔واضح رہے کہ آسٹریلیا میں جاری ٹی ٹونٹی ورلڈ کپ کے کئی میچز اب تک بارش سے متاثر ہوچکے ہیں۔یاد رہے کہ جمعہ کے روز بھی ورلڈ کپ کے دونوں میچز بارش کے باعث شروع بھی نہ ہوسکے تھے تھے اور انہیں منسوخ کردیا گیا تھا۔