اسلام آباد (این این آئی)پاکستان تحریک انصاف کے رہنما اسد عمر نے 28 اکتوبر کو لاہور کے لبرٹی چوک سے شروع ہونے والے حقیقی آزادی مارچ کی تفصیلات جاری کردیں جبکہ اسلام آباد پولیس نے بھی اپنی تیاریوں کا اعلان کردیا۔رہنما تحریک انصاف اسد عمر نے مارچ کے حوالے سے تفصیلات چیئرمین پی ٹی آئی عمران خان کی جانب سے 28 اکتوبر کو لاہور سے اپنی قیادت میں
مارچ شروع کرنے کے اعلان کے ایک روز بعد جاری کیں۔عمران خان نے کہا تھا کہ جمعے کو 11 بجے لبرٹی چوک پر جمع ہوں گے اور اسلام آباد روانہ ہوں گے اور جی ٹی (گرینڈ ٹرنک)روڈ سے اسلام آباد پہنچ کر عدالت کے بتائے ہوئے مقام پر جمع ہوں گے۔انہوں نے کہا تھا کہ ہم پرامن رہیں گے، اگر کوئی مسئلہ آیا تو وہ دوسری طرف سے ہوگا ہماری طرف سے نہیں، ہم پرامن تبدیلی چاہتے ہیں اور کوئی مسئلہ کھڑا کرنے اسلام آباد نہیں جارہے ہیں۔اسد عمر نے سماجی رابطے کی ویب سائٹ ٹوئٹر پر مارچ کے حوالے سے کہا کہ پاکستان کی حقیقی آزادی کا وقت آگیا ہے اور لانگ مارچ کا پہلا دن 28 اکتوبر کو لاہور لبرٹی سے شروع کر کے فیروز پور روڈ سے اچھرہ، مزنگ، داتا دربار سے ہوتے ہوئے آزادی چوک تک ہوگا۔انہوں نے کہا کہ اگلے دن سے جی ٹی روڈ پر اسلام آباد کا سفر شروع ہوگا۔اسد عمر نے کہا کہ عمران خان 29 اکتوبر کو لاہور سے روانہ ہو کر مریدکے، کامونکی، گوجرانوالہ، ڈسکہ، سیالکوٹ، سمبڑیال، وزیر آباد، گجرات، لالہ موسی، کھاریاں، جہلم، گوجر خان، راولپنڈی سے ہوتے ہوئے 4 نومبر کو اسلام آباد پہنچیں گے۔دیگر شہروں سے آنے والے قافلوں کے حوالے سے انہوں نے کہا کہ ‘سارے پاکستان سے قافلے اس دن اسلام آباد پہنچیں گے۔دوسری جانب اسلام آباد پولیس نے کہا ہے کہ پی ٹی آئی کے لانگ مارچ کے دوران سیکیورٹی کے انتظامات کی تیاری مکمل کرلی ہے۔پولیس کی جانب سے جاری نوٹس کے مطابق لانگ مارچ کے لیے 13 ہزار 86 افسران اور اہلکار تعینات کیے جائیں گے۔
بیان میں کہا گیا کہ دو ڈی آئی جی، 4 ایس ایس پی، 11 ایس پی نگرانی کریں گے اور 30 اے ایس پی اور ڈی ایس پی تعینات کیے جائیں گے۔پولیس نے بتایا کہ اسلام آباد پولیس کے مجموعی طور پر 4 ہزار 190 افسران اور اہلکار تعینات ہوں گے جبکہ 4 ہزار 265 ایف سی، 3 ہزار 600 رینجرز اور جبکہ سندھ پولیس کے ایک ہزار 22 افسران اور اہلکار تعینات ہوں گے۔تیاریوں کے حوالے سے بتایا گیا کہ 616 آنسو گیس گن اور 50 ہزار 50 شیل، 611 بارہ بور گن اور 36 ہزار 700 رانڈ فراہم کر دیے گئے ہیں۔
اسلام آباد پولیس نے بتایا کہ 2 ہزار 430 ماسک اور 374 گاڑیاں بھی فراہم کر دی گئی ہیں۔نوٹس میں کہا گیا کہ پولیس کو 17 پیپر بال گنز اور چار ہزار پیپر بالز فراہم کر دئیے گئے ہیں اور تمام پولیس افسران اور اہلکاروں کو یقینی طور پر غیر مسلح ہونے کی ہدایت بھی کی گئی ہے۔
اس سے قبل بتایا گیا تھا کہ پی ٹی آئی کے لانگ مارچ سے نمٹنے کے لیے وفاقی دارالحکومت میں مارگلہ ہلز سمیت 22 مختلف مقامات پر 500 سے زائد کنٹینرز ضرورت کے پیش نظر رکھے گئے ہیں۔پولیس نے بتایا تھا کہ پی ٹی آئی کے لانگ مارچ کے دوران اسلام آباد مکمل طور پر سیل کرنے کے لیے ایک ہزار 100 کنٹینرز کا انتظام کیا گیا ہے اور ان میں سے 525 کنٹینرز اب تک 22 مختلف مقامات پر رکھے گئے ہیں۔
انہوں نے کہا تھا کہ 140 کنٹینرز کنونشن سینٹر، 95 فیض آباد، 40 شکرپڑیاں کے قریب سری نگر ہائی وے، 39 میٹرو اسٹیشن کے قریب سری نگر ہائی وے، 25 آئی جے پی روڈ، 22 ڈی چوک، کیک چوک اور اولڈ موٹروے ٹول پلازہ پر بالترتیب 20،20، مارگلہ ہلز میں 14، ٹی کراس روات، سرینا چوک اور آغا خان روڈ کے قریب 12،12، نادرا چوک پر 9، ایکسپریس چوک، نادرا کے قریب سروس روڈ،
راول جھیل کے قریب، ستارہ مل پر 8،8، چونگی نمر 26 پر 6، خیابان چوک پر 5، بری امام اور زیروپوائنٹ پر 4،4، بنی گالا روڈ ( بارہ کہو سے عمران خان کی رہائش گاہ تک) پر 2 کنٹینرز رکھے گئے ہیں۔انہوںنے کہا تھا کہ نادرا چوک کنٹینرز سے سیل کردیا گیا ہے، رینجرز کی کوئیک رسپانس فورس (کیو آر ایف) کی تین گاڑیاں گشت پر مامور ہیں، ڈی چوک بھی کنٹینرز اور خاردار تاروں سے سیل کردیا گیا ہے۔
پاکستان تحریک انصاف کے لانگ مارچ کے پیش نظر اسلام آباد پولیس کو بڑی تعداد میں آنسو گیس گنز اور شیل فراہم کردیے گئے۔ترجمان اسلام آباد پولیس کے مطابق لانگ مارچ کیلئے 13086 افسران، اہلکار تعینات کییجائیں گے، 2 ڈی آئی جیز ،4 ایس ایس پی، 11 ایس پی نگرانی کریں گے
جبکہ 30 اے ایس پی اور ڈی ایس پی تعینات کیے جائیں گے۔پولیس کے مجموعی طور پر 4190 افسران و اہلکار تعینات ہوں گے، 4265 ایف سی، 3600 رینجرز، سندھ پولیس کے 1022 افسران، اہلکار تعینات ہوں گے۔پولیس کو 616 آنسو گیس گنز
اور 50050 شیل فراہم کر دییگئے، 611 بارہ بور گنز اور 36700 رانڈ فراہم کر دیے گئے، 2430 ماسک اور 374 گاڑیاں بھی پولیس کو فراہم کر دی گئیں۔پولیس کے مطابق17 پیپر بال گنز اور اور چار ہزار پیپر بال فراہم کر دیے گئے۔
