اسلام آباد(مانیٹرنگ ڈیسک /این این آئی)سینئر صحافی و اینکر پرسن طلعت حسین نے ارشد شریف کے کیس کے حوالے سے اہم پیشرفت شیئر کردی ۔ سماجی رابطے کی ویب سائٹ ٹویٹر پر سینئر اینکر پرسن طلعت حسین نے کہا ہے کہ ’’ارشد شریف کے کیس میں

اہم پیش رفت۔ تحقیقاتی ادارے اہم ترین معلومات کی خبریں دے رہے ہیں۔ دیکھیں کیا ہوتا ہے؟۔ خیال رہے کہ مرحوم سینئر صحافی وی اینکر ارشد شریف قتل کیس کی تحقیقاتی ٹیم میں چند ہی گھنٹوں میں اہم تبدیلی کردی گئی۔وزارت داخلہ نے سینئر صحافی ارشد شریف کے قتل کی تحقیقات کے لیے بنائی گئی ٹیم کی تشکیل نو کردی۔وزارت داخلہ کی جانب سے تحقیقاتی کمیٹی کی تشکیل نو کا نوٹیفکیشن بھی جاری کردیا گیا ہے جس کے مطابق 2 رکنی کمیٹی میں وفاقی تحقیقاتی ادارے (ایف آئی اے)کے ڈائریکٹر اطہر وحید اور انٹیلی جنس بیورو کے ڈپٹی ڈائریکٹر عمر شاہد حامد شامل ہیں۔نوٹیفکیشن کے مطابق تحقیقاتی ٹیم فوری طور پر کینیا کا دورہ کرے گی۔گزشتہ روز ارشد شریف کے قتل کی تحقیقات کے لیے تشکیل دی گئی کمیٹی کے ارکان کی تعداد تین تھی جس میں آئی ایس آئی کے کرنل سعد احمد بھی شامل تھے۔

ارشد شریف کے کیس میں اہم پیش رفت۔ تحقیقاتی ادارے اہم ترین معلومات کی خبریں دے رہے ہیں۔ دیکھیں کیا ہوتا ہے؟

— Syed Talat Hussain (@TalatHussain12) October 26, 2022