60سال بعد نہانے والا شخص چل بسا

تہران (این این آئی)ایران میں کئی دہائیوں سے نہانے سے کنارہ کشی کرنے کی وجہ سے دنیا کا گندہ ترین شخص کہلانے والا آمو حاجی نامی بزرگ شہری انتقال کرگیا۔

غیر ملکی خبر رساں ایجنسی کے مطابق ایران کے جنوبی صوبہ فارس میں دیجگاہ گاں سے تعلق رکھنے والا دنیا کا گندہ ترین شہری آمو حاجی 94 برس کی عمر میں چل بسے۔رپورٹ کے مطابق آمو حاجی نامی بزرگ شہری نصف صدی سے زائد عرصہ نہانے سے گریز کرتا رہا

اور اپنی ساری زندگی تنہا گزاری۔رپورٹ میں مزید کہا گیا کہ بیماری کے خوف سے آمو حاجی نے کئی دہائیاں نہانے سے گریز کیا مگر چند ماہ قبل ان کے پڑوسی انہیں

پہلی بار نہانے کے لیے لے گئے تھے مگر انہیں بھی اس میں ناکامی کا سامنا کرنا پڑا۔ایرانی میڈیا کے مطابق آمو حاجی کی زندگی پر 2013 میں ایک مختصر فلم بھی بنی تھی

جس کا نام تھا دی اسٹرینج لائف آف آمو حاجی جس کے بعد ان کو عالمی سطح پر پذیرائی حاصل ہوئی تھی۔