میلبرن ( این این آئی)پاکستان کرکٹ ٹیم کے کپتان بابراعظم ٹی ٹونٹی انٹرنیشنل میں اب تک پانچ مرتبہ صفر پر آئوٹ ہو کر پویلین لوٹ چکے ہیں۔ورلڈ کپ ٹی ٹونٹی میں بھارت کے خلاف میچ میں بابراعظم بیٹنگ کرنے کریز پر آئے لیکن بھارتی بولر ارشدیپ سندھ کی گیند پر بغیر کوئی رن بنائے ایل بی ڈبلیو آئوٹ ہوگئے۔قومی ٹیم کے کپتان 2016 سے 2022 کے دوران اب تک 93 میچز کھیل چکے ہیں جبکہ 88 اننگز میں پانچ مرتبہ صفر پر آئوٹ ہوئے ۔بابراعظم نے ٹی ٹونٹی میں 129.60 اسٹرائیک ریٹ سے 3231 رنز بنا رکھے ہیں جس میں ان کی دو سنچریاں اور 29 نصف سنچریاں شامل ہیں۔ انہوں نے ایک مرتبہ 122 رنز کی اننگز بھی کھیلی۔