برلن (آن لائن) پانچ جرمن باشندوں کو لے جانے والا طیارہ کوسٹاریکا کے قریب لاپتہ ہو گیا۔غیر ملکی خبر رساں ادارے کے مطابق میکسیکو سے اڑان بھرنے والا ایک چھوٹا طیارہ کوسٹاریکا کے قریب لاپتہ ہو گیا ۔ جس میں 5 جرمن باشندے سوار تھے۔ کوسٹاریکا کے وزیر برائے پبلک سکیورٹی نے میڈیا کو بتایا کہ طیارے کے حوالے سے ہمیں الرٹ موصول ہوئی کہ طیارے کا کوسٹاریکا کے قریب کنٹرول ٹاور سے رابطہ منقطع ہوگیا ۔ انتظامیہ کا کہنا ہے کہ طیارہ شام 6 بجے کے قریب لاپتہ ہوا تھا جس کا سراغ لگانے کے لیے فوری اقدامات شروع کردیے گئے تھے لیکن موسم کی خرابی اور رات ہونے کی وجہ سے سرچ آپریشن روک دیا گیا تھا جسے صبح ہوتے ہی دوبارہ شروع کر دیا گیا۔