اسلام آباد(این این آئی)وزیراعظم شہباز شریف کے معاون خصوصی عطا اللہ تارڑ عمران خان کی جانب سے لانگ مارچ کی تاریخ دیے جانے پر انہیں تنقید کا نشانہ بنایا ہے۔عطا اللہ تارڑ نے کہا ہے کہ عمران خان لانگ مارچ کیلئے تاریخ پر تاریخ دے رہے ہیں۔انہوں نے کہا کہ عمران خان لانگ مارچ کا بہانہ بناکر ملک کے حالات خراب کرنا چاہتے ہیں۔واضح رہے کہ پاکستان تحریک انصاف(پی ٹی آئی)کے چیئرمین اور سابق وزیراعظم عمران خان کا کہنا تھا کہ جمعرات یا جمعے کو لانگ مارچ کی تاریخ کا اعلان کردوں گا۔عمران خان کا کہنا تھا کہ مجھے یقین ہے یہ الیکشن کی تاریخ کا اعلان نہیں کریں گے۔