اسلام آباد(این این آئی)عمران خان این اے 45 کا ضمنی الیکشن لڑ سکیں گے یا نہیں سوالات کھڑے ہوگئے ،ریجنل الیکشن کمشنر کرم نے الیکشن کمیشن کو خط لکھ کر معاملے پر رائے طلب کرلی۔میڈیارپورٹ کے مطابق خط میں کہا گیا کہ الیکشن کمیشن عمران خان کے خلاف 21 اکتوبر کو فیصلہ دے چکا، بتایا جائے کیا اس فیصلے کے بعد عمران خان کرم ضمنی الیکشن میں حصہ لے سکتے ہیں یا نہیں۔ذرائع کے مطابق الیکشن کمیشن مشاورت کے بعد ریجنل الیکشن کمیشن کو قانونی نکتے سے آگاہ کریگا اور اس حوالے سے قانونی ٹیم کا مشاورتی اجلاس پیر کو طلب کرلیا۔ قانونی ٹیم آئینی سوالات کے حوالے سے الیکشن کمیشن کو آگاہ کرے گی۔واضح رہے کہ این اے 45 کرم میں ضمنی انتخاب 30 اکتوبر کو شیڈول ہے جس میں عمران خان پی ٹی آئی کے امیدوار ہیں۔