کراچی(این این آئی)32 سال پہلے پولیس حراست میں نوجوان کی ہلاکت سے متعلق والدین کو 32 سال بعد بلاآخر انصاف مل گیا۔اسٹیٹ بینک نے سندھ حکومت کے اکاؤنٹس سے 2 کروڑ کی رقم کاٹ کر چیک ناظر سندھ ہائیکورٹ کے پاس جمع کرادیا۔سی آئی اے سینٹر میں پولیس تشدد سے 24 سالہ نوجوان کی ہلاکت ہوئی۔ 24 سالہ شکیل کی پولیس حراست میں ہلاکت کی جوڈیشل انکوائری کرائی گئی تھی۔واقعے کی جوڈیشل انکوائری میں پولیس اہلکاروں کو ذمہ دار قرار دیا گیا تھا۔ عدالت نے اسٹیٹ بینک کو سندھ حکومت کے اکاؤنٹ سے 2 کروڑ 8 لاکھ سے زائد کی رقم کاٹنے کا حکم دیا تھا۔