اسلام آباد (آن لائن) سپریم کورٹ میں ججز تعیناتی کے معاملے پر جسٹس قاضی فائز عیسیٰ کے بعد جسٹس سردار طارق مسعود اور جسٹس منصور علی شاہ نے بھی چیف جسٹس کو خط لکھ دیا۔خط کے متن میں کہا گیا ہے کہ سپریم کورٹ میں ججز کی 5 خالی آسامیوں پر تقرری کے لیے فوری جوڈیشل کمیشن اجلاس طلب کیا جا ئے۔ججز تقرری جوڈیشل کمیشن سپریم کورٹ نہیں بلکہ یہ ایک آزاد آئینی باڈی ہے اسے الگ سیکرٹریٹ کے ذریعے چلایا جائے۔ انصاف کی فوری فراہمی کے لیے سپریم کورٹ کو اپنا کردار ادا کرنا ہوتا ہے۔ ججز کی خالی آسامیوں کی وجہ سے فراہمی انصاف متاثر ہورہی ہے۔

موضوعات:سپریم کورٹ