اسلام آباد ( آن لائن)ایک ہفتے میں مہنگائی میں 0.29 فیصد کا اضافہ ہوا ہے جبکہ مہنگائی کی مجموعی شرح 29.44 فیصد ریکارڈ کی گئی ہے ۔ادارہ شماریات نے ہفتہ وار مہنگائی کے اعدادوشمار جاری کردئیے۔ رپورٹ کے مطابق 51 اشیاء ضروریہ میں سے 17 اشیاء کی قیمتوں میں اضافہ ہوا۔14 اشیاء کی قیمتوں میں کمی ہوئی اور 20 اشیاء کی قیمتوں میں استحکام رہا۔ایک ہفتے میں ٹماٹر کی فی کلو قیمت میں 48 روپے 45 پیسے کا اضافہ ہوا۔ایک ہفتے میں پیاز 12 روپے 69 پیسے فی کلو مہنگا ہوا۔ چینی کی فی کلو قیمت میں 57 پیسے کا اضافہ ہوا۔انڈے فی درجن 1 روپے 38 پیسے مہنگے ہوئے۔

موضوعات:مہنگائی