کراچی(این این آئی)سندھ بھر میں ڈبل سواری پر پابندی عائد کر دی گئی ہے۔تفصیلات کے مطابق حکومت سندھ نے صوبے بھر میں 5 اور 9 اکتوبر کو موٹر سائیکل کی ڈبل سواری پر پابندی عائد کرنے کا اعلان کیا ہے، محکمہ داخلہ سندھ نے ڈبل سواری پر پابندی کا نوٹیفکیشن جاری کردیا ہے۔نوٹیفکیشن کے مطابق آج 5 اکتوبر کو چپ تعزیہ جلوسوں کے سیکورٹی کے پیش نظر ڈبل سواری پر پابندی ہوگی جبکہ 9 اکتوبر کو 12 ربیع الاول کی سیکورٹی کے باعث سندھ میں ڈبل سواری پر پابندی ہوگی۔محکمہ داخلہ سندھ کی جانب سے جاری کردہ نوٹیفکیشن میں کہا گیا ہے کہ صحافی، بزرگ شہری، خواتین، بچے اور سیکورٹی اداروں کے اہلکار ڈبل سواری کی پابندی سے مستثنی ہونگے۔