اسلام آباد (مانیٹرنگ ڈیسک /این این آئی)وفاقی وزیر خزانہ سینیٹر اسحاق ڈار نے کہا ہے کہ جیسے ہی نوازشریف کا علاج مکمل ہوگا وطن واپس آ جائیں گے ، جس طرح مریم نواز کو انصاف ملا ہے امید ہے نوازشریف کو بھی انصاف ملے گا،تقاریر سے لگ رہا ہے عمران خان فرسٹریشن کا شکار ہیں، عمران خان کی ہر بات کا جواب دے سکتا ہوں، یہ میری وارننگ کو سنجیدگی سے لیں

ورنہ اس کے ساتھ پبلک میں جنگ ہوگی،اپنا منہ بند رکھیں اور اخلاق کے دائرے میں رہ کر بات کریں،ڈالرکی اصل قدر200 روپیسے کم ہے اور آئندہ دنوں میں ڈالر 200 روپیسے کم ہوجائے گا ،مجھے آئی ایم ایف کو ڈیل کرنا آتا ہے،کسی کو فکر کرنے کی ضرورت نہیں ہے۔ایک انٹرویو میں وزیر خزانہ اسحق ڈار نے کہاکہ نوازشریف کا علاج ہورہا ہے اور جیسے ہی نوازشریف کا علاج مکمل ہوگا وہ وطن واپس آئیں گے ۔ انہوںنے کہاکہ جس طرح مریم نواز شریف کو انصاف ملا ہے امید ہے نوازشریف کو بھی انصاف ملے گا ۔اسحاق ڈار نے کہا کہ ڈیل اور ڈھیل صرف عمران خان کی قسمت میں ہے۔انہوں نے کہا کہ عمران خان کی ہر بات کا جواب دے سکتا ہوں، یہ میری وارننگ کو سنجیدگی سے لیں ورنہ اس کے ساتھ پبلک میں جنگ ہوگی۔وفاقی وزیر نے کہا کہ عمران خان آپ وہیں ہیں ناں، جو میرے دفتر کے باہر میرا انتظار کرتے تھے، اپنا منہ بند رکھیں اور اخلاق کے دائرے میں رہ کر بات کریں۔انہوں نے کہا کہ این آر او عمران خان نے اپنی فیملی کو دیا ہے، پی ٹی آئی چیئرمین نے نے ڈیل کرکے مینار پاکستان سے خود کو لانچ کیا تھا۔وفاقی وزیر خزانہ نے کہا کہ عمران خان نے ڈیل کرکے الیکشن لڑا اور ڈیل کے تحت ہی نواز شریف حکومت کے خلاف دھرنا دیا۔

انہوںنے کہاکہ عمران خان نے 126 دن اسلام آباد کو یرغمال بنایا، جس کے باعث پاک چائنا اکنامک کوریڈور (سی پیک)ایک سال تاخیر کا شکار ہوا۔اسحاق ڈار نے کہا کہ عمران خان نے اپنی حکومت کے دوران ملکی معیشت کو تباہ کیا، پی ٹی آئی چیئرمین کی تقاریر سے لگ رہا ہے کہ

وہ فرسٹریشن کا شکار ہیں۔انہوںنے کہاکہ ڈالرکی اصل قدر200 روپیسے کم ہے اور آئندہ دنوں میں ڈالر 200 روپیسے کم ہوجائے گا۔انہوںنے کہاہک ڈالر کی اس وقت جو قدر ہے، وہ حقیقی نہیں ہے۔انہوں نے کہا کہ ڈالر کی اصل قدر200 روپے سے کم ہے اور ڈالر 200 روپے سے کم ہوجائے گا۔

اسحق ڈار نے کہاکہ اِس وقت ڈالربین الاقوامی طورپرمضبوط ہے لیکن اپنی پالیسیوں کے تحت ڈالر کو 200 روپے سے کم پرلائیں گے۔انہوںنے کہاکہ ادارہ شماریات آزاد ادارہ ہے اور وہ ہیرا پھیری نہیں کرتا۔اسحاق ڈار نے کہا کہ اپوزیشن کوماضی میں بھی کہتا رہا کہ آئیں میثاق معیشت کریں، عمران خان اوراس کی پوری ٹیم کے اعصاب پرمیں سوارہوں۔