لاہور (مانیٹرنگ ڈیسک) حفیظ پاکستانی ٹیم میں موجود ”جادوگر“ بولر کو نہ کھلانے پر مایوس ہو گئے، گزشتہ روز انگلینڈ کے ہاتھوں چھٹے ٹی ٹوئنٹی میچ میں شکست کے بعد محمد حفیظ نے سوشل میڈیا پر بیان دیا جس میں انہوں نے ابرار احمد کو جادوگر اسپنر قرار دیا اور ان کو نہ کھلانے پر افسوس کا اظہار کیا۔ اپنے ٹوئٹر پیغام میں محمد حفیظ نے کہا کہ افسوس ہے کہ انگلینڈ کے خلاف سیریز میں محمد ابرار کو ایک بھی میچ نہیں کھلایا گیا، انہیں اپنا ٹیلنٹ دکھانے کے لئے اس سیریز میں چار میچ کھلانے چاہیے تھے۔