کراچی (این این آئی) پی ٹی آئی رہنما علی زیدی نے عوام کے نام پیغام میں کہا ہے کہ چوروں کے بچے مستقبل لوٹنے کے لیے تیار ہیں، عمران خان کال دے گا، تیار رہنا۔سابق وفاقی وزیر اور پی ٹی آئی رہنما علی زیدی نے سماجی میڈیا پر جاری بیان میں کہا کہ اے اہل پاکستان!ان چوروں نے آپ کا ماضی اور حال برباد کر دیا، اب ان کے بچے آپ کی بچوں کا مستقبل لوٹنے کے لیے تیار ہیں۔انہوں نے کہا کہ اس کرپٹ اشرافیہ کے خلاف اٹھ کھڑے ہونے کا وقت آگیا ہے، جب عمران خان کال دے گا تو تیار رہنا اور ہمت نہ ہارنا، بے شک اللہ ان کی مدد کرتا ہے جو اپنی مدد آپ کرتے ہیں۔علی زیدی نے عمران خان کو مخاطب کرتے ہوئے کہا کہ کپتان ہم آپ کی کال کیلئے تیار ہیں، اب فیصلہ عوام کریں گے۔