اسلام آباد(آن لائن)وفاقی کابینہ نے ریکوڈک کیس پر ریفرنس بھیجنے کی اجازت دیدی۔ذرائع کے مطابق وزیر اعظم محمد شہباز شریف کی زیر صدارت وفاقی کابینہ کا اجلاس منعقد ہوا ۔کابینہ میں ریفرنس بھیجنے پر تفصیلی بحث ہوئی،ذرائع کا کہنا ہے کہ وزارت قانون کی طرف سے صدر پاکستان کے ذریعے سپریم کورٹ میں ریفرنس دائر کیا جائے گا۔ریکوڈک پر ہونے والے سیٹلمنٹ معاہدے پر سپریم کورٹ سے رائے لی جائے گی۔ ذرائع کے مطابق کابینہ نے بجلی کی بچت اور پیداوار سے متعلق عملدرآمدی لائحہ عمل کی سمری موخر کردی ہے۔کابینہ اجلاس میں سیاسی امور اور آڈیو لیکس پر بھی تبادلہ خیال ہوا ۔سیاسی امور اور آڈیو لیکس پر بحث کے دوران سرکاری حکام کو اجلاس سے باہر بھیج دیا گیا۔

موضوعات:ریکوڈک کیس