صرف ایک اوور نے عامر جمال کو عالمی کرکٹ میں پہچان دیدی
اسلام آباد(مانیٹرنگ ڈیسک /این این آئی)انگلینڈ ٹیم کیخلاف آخری اوور سے عامر جمال کو عالمی کرکٹ میں پہچان مل گئی ۔ تفصیلات کے مطابق والد کے ٹرانسپورٹ اور پڑھائی پر
کھیل کو ترجیح دینے والے کھلاڑی عامر جمال نے بالآخر قومی ٹیم میں اپنی جگہ بنا لی ۔دوسری جانب انگلینڈ کے خلاف پانچویں ٹی ٹوئنٹی میچ میں ڈیبیو کرنے والے پاکستانی آل راونڈر عامر جمال کو اپنے فیک ٹوئٹر اکائونٹ کا پتا چل گیا۔
عامر جمال نے اپنے ٹوئٹر اکاونٹ سے اس جعلی اکائونٹ کی تفصیلات شیئر کردی ہیں۔عامر جمال نے لکھا کہ یہ جعلی اکاونٹ میرا نہیں ہے،
یہ شخص غیر متعلقہ چیزیں ٹوئٹ کررہا ہے۔انہوں نے لکھا کہ اس اکاونٹ کے بارے میں جلدی رپورٹ کریں تاکہ مزید غلط فہمی سے بچا جاسکے۔
واضح رہے کہ عامر جمال نے انگلینڈ کے خلاف پانچویں ٹی ٹوئنٹی میچ میں آخری اوور کرایا تھا،
ان کی شاندار بولنگ کے باعث پاکستان نے میچ جیت کر انگلینڈ کے خلاف 7 میچوں کی سیریز میں تین دو سے برتری حاصل کرلی تھی۔