ٹورنٹو(این این آئی)کینیڈا کے مشرقی ساحلی علاقوں میں سمندری طوفان فیونا نے تباہی مچا دی۔طوفان سے صوبوں نووا اسکوشیا، پرنس ایڈورڈ آئی لینڈ اور نیو فائونڈ لینڈ کے ساحلی علاقے شدید متاثر ہوئے۔طوفانی ہوائوں سے درخت جڑوں سے اکھڑ گئے، مکانات کی چھتیں اڑ گئیں، بجلی کے کھمبے گر گئے، لاکھوں لوگ بجلی سے محروم ہوگئے، مکانات اور گاڑیاں پانی میں بہہ گئیں۔طوفان کے سبب ہزاروں افراد کو محفوظ مقامات پر منتقل ہونا پڑا، نیو فانڈ لینڈ میں ایمرجنسی نافذ کر دی گئی ہے جبکہ متاثرہ علاقوں میں امدادی سرگرمیوں کے لیے فوج کو بلا لیا گیا ہے۔