ویلنگٹن (آن لائن) نیوزی لینڈ میں ایک کشتی ایک وہیل مچھلی سے ٹکرا کر الٹ گئی ۔ جسکے نتیجے میں دو افراد ہلاک جبکہ تین لاپتہ ہو گئے ۔ غیر ملکی خبر رسا ں ادارے کے مطابق حادثہ کائیکورا گوز بے کے قریب اسو قت پیش آیا جب گیارہ افراد پر مشتمل ایک کشتی وہیل مچھلی سے ٹکرا کر الٹ گئی جسکے نتیجے میں گیارہ افراد ڈوب گئے ۔ پولیس نے دو افراد کی ہلاکت کی تصدیق کی ہے، جبکہ تین دیگر لاپتہ ہیں اور چھ کو بچا لیا گیا ہے۔ لاپتہ افراد کی تلاش جاری ہے ۔ کائیکورا ایک چھوٹا سا ساحلی شہر ہے جو نیوزی لینڈ کے جنوبی جزیرے میں وہیل دیکھنے کے لیے مشہور ہے۔