اسلام آباد (این این آئی)وفاقی وزیر اور راہنما پیپلزپارٹی قادر پٹیل نے کہاہے کہ شاہ محمود اورشیخ رشید کی حالت عمران خان کے پاؤں کے گھنگھرو کی رہ گئی۔ اپنے بیان میں انہوںنے کہاکہ چیئرمین پیپلزپارٹی بلاول بھٹو زرداری نے تباہ حال خارجہ امور کو نئی زندگی دی ہے۔قادر پٹیل نے کہاکہ عمران خان اقتدار میں ہوتے تو بنی گالا کے پہاڑ پر چھپ کر کہتا میں کیا کروں ۔ انہوںنے کہاکہ آج عالمی دنیا وزیر خارجہ بلاول بھٹو زرداری کی بات سنتی ہے اوران پر اعتبار کرتی ہے ۔قادر پٹیل نے کہاکہ وزیر خارجہ بلاول بھٹو زرداری کی بڑی کامیابی دنیا بھر کے سفیروں کو بارش اور سیلاب زدہ علاقوں میں لے جانا ہے ۔ انہوںنے کہاکہ چیئرمین پیپلزپارٹی کی ساری توجہ بارش اور سیلاب متاثرین کی دوبارہ بحالی ہے۔قادر پٹیل نے کہاکہ عمران خان محفل موسیقی سجا کر بشرا بیگم بچاو مہم چلا رہے ہیں۔