لندن(این این آئی)70برس سے زائد عرصے تک اقتدار میں رہنے والی ملکہ الزبتھ دوم کی وفات کے موقع پر شاہی خاندان کے پاکستانی مداحوں کو شہزادی ڈیانا کی یاد ستانے لگی۔

میڈیارپورٹس کے مطابق پاکستان میں سوشل میڈیا پلیٹ فارم ٹوئٹر پر اس وقت ڈیانا کے نام کا ہیش ٹیگ پانچویں نمبر پر ٹرینڈ کر رہا ہے۔لیڈی ڈیانا اپنی وفات کے 25 برسوں بعد بھی عوام کے دلوں کی دھڑکن بنی ہوئی ہیں، شاہی خاندان سے متعلق کسی بھی قسم کی خبر سنتے ہوئے

عوام کے ذہنوں میں لیڈی ڈیانا کا خیال نہ گزرے ایسا ہو نہیں سکتا۔ملکہ کے انتقال کے بعد ان کی بہو، لیڈی ڈیانا کی نایاب، یادگار تصویریں سوشل میڈیا پر شیئر کی جا رہی ہیں

اور ساتھ میں انٹرنیٹ صارفین اپنے جذبات کا اظہار بھی کر رہے ہیں۔انٹرنیٹ صارفین کی جانب سے سوشل میڈیا پر لیڈی ڈیانا کا موازنہ

پرنس چارلس (کنگ چارلس تھری)کی اہلیہ، کمیلا پارکر سے بھی کیا جا رہا ہے۔ٹوئٹر صارفین کے مطابق ملکہ الزبتھ کے بعد

ملکہ کا لقب صرف ڈیانا پر جچتا ہے، کمیلا پارکر نے یہ لقب ڈیانا سے چھینا ہے جو کمیلا پر جچ بھی نہیں رہا۔