جامشورو(این این آئی)منچھر جھیل کے پانی کو دریا میں ڈالنے کے لیے کٹ لگا دیئے گئے۔تفصیلات کے مطابق منچھر جھیل کے پانی کو دریا میں ڈالنے کے لیے گاؤں کرم پور کے قریب ایل ایس ڈیم کو 3 مقامات پر کٹ لگا دیا گیا۔کٹ لگنے سے کرم پور سمیت سیہون کی 17 متاثرہ یونین کونسلز میں سیلابی پانی کا دباؤ کم ہوگا،
منچھر جھیل میں کٹ ہیوی مشینوں کے ذریعے لگائے گئے۔کٹ لگانے کے عمل کی ڈپٹی کمشنر جامشورو فرید الدین نے خود نگرانی کی، منچھر جھیل کا پانی دریائے سندھ میں داخل ہونے لگا ہے، تاہم گاؤں کرمپور پر کٹ لگنے کے بعد سیہون کا دادو اور لاڑکانہ سے زمینی رابطہ منقطع ہو گیا۔دوسری طرف سانگھڑ کو بچانے کی آخری کوشش کے طور پر بپھرے سیم نالے کے پانی کا رخ موڑنے کے لیے مٹھڑا نہر میں کٹ لگا دیا گیا ہے۔کٹ لگنے سے کئی دیہات زیر آب آ گئے ہیں، جس پر مکین احتجاج کر رہے ہیں، اور انھوں نے نوابشاہ روڈ پر دھرنا دے دیا ہے۔ مکینوں نے کہاکہ ایک لاکھ آبادی کو ڈبو دیا گیا ہے، نکاسی آب نہ ہوئی تو حفاظتی بند توڑ دیں گے۔ادھر دادو کی ایم این وی ڈرین میں شگاف پڑ گیا ہے، جس سے مختلف علاقے ڈوب گئے ہیں۔ منچھر جھیل کے پانی کو دریا میں ڈالنے کے لیے گاؤں کرم پور کے قریب ایل ایس ڈیم کو 3 مقامات پر کٹ لگا دیا گیا۔کٹ لگنے سے کرم پور سمیت سیہون کی 17 متاثرہ یونین کونسلز میں سیلابی پانی کا دباؤ کم ہوگا، منچھر جھیل میں کٹ ہیوی مشینوں کے ذریعے لگائے گئے۔
