کراچی (این این آئی)پاکستان کرکٹ ٹیم کے سابق کپتان جاوید میاندادنے کہا ہے کہ افغانستان کے کھلاڑیوں کا رویہ خراب تھا، جمعہ جمعہ آٹھ دن ہوئے کرکٹ میں آئے اب ہمیں آنکھیں دکھائیں گے؟۔ ایک بیان میں جاوید میانداد نے کہا کہ پاکستان کی جیت پرخوشی تاہم جن سے جیتے ان سے بہت مایوسی ہوئی، افغانستان کے کھلاڑیوں کا رویہ خراب تھا، افغانستان کو لانے اورکھلانے والے ہم تھے، افغان کھلاڑیوں نے کرکٹ کم کھیلی ہے لیکن ابھی سے ان کے دماغ خراب ہیں، انہوں نے پاکستان میں کرکٹ سیکھی، میں نے خود ان کی کوچنگ کی۔