شارجہ(این این آئی)پاکستان کرکٹ ٹیم کے بیٹنگ کوچ محمد یوسف نے نسیم شاہ کی نیٹ پریکٹس کی ویڈیو سوشل میڈیا پر اپ لوڈ کردی۔نسیم شاہ نے نیٹس پر جن شاٹس کی پریکٹس کی تھی، ویسے ہی افغانستان کے خلاف میچ میں چھکے مارے۔محمد یوسف نے ویڈیو کے ساتھ

اپنے پیغام میں لکھا کہپریکٹس سے ہی انسان بہتر ہوتا ہے، ویل ڈن نسیم شاہ۔ واضح رہے کہ ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے دلچسپ مقابلے کے بعد افغانستان کو ایک وکٹ سے شکست دے کر فائنل کیلئے کوالیفائی کرلیا، قومی ٹیم کے فاسٹ بائولر نسیم شاہ نے آخری اوور میں دو چھکے لگا کر قومی ٹیم کو فائنل میں پہنچادیا ۔دوسری جانب قومی ٹیم کے فاسٹ بائولر اور افغانستان کے خلاف میچ میں اہم کر دارادا کر نے والے نسیم شاہ نے کہا ہے کہ بیٹنگ پر آیا تھا تو معلوم تھا چھکے لگا سکتا ہوں، کوشش کی اور کامیاب ہوگیا۔تفصیلات کے مطابق ایشیا کپ میں افغانستان کے خلاف آخری اوور میں نسیم شاہ کے 2 چھکوں کی بدولت پاکستان نے میچ جیت لیا اور ٹورنامنٹ کے فائنل کیلئے کوالیفائی کرلیا،پاکستان نے افغانستان کو سنسنی خیز مقابلے کے بعد ایک وکٹ سے شکست دی،اس میچ کی خاص بات نسیم شاہ نے آخری اوور میں 2 چھکے لگا کر ٹیم کی کامیابی میں اہم کردار ادا کیا۔میچ کے بعد روسی شاستری سے گفتگو میں نسیم شاہ نے کہاکہ بیٹنگ پر آیا تھا تو معلوم تھا کہ چھکے لگا سکتا ہوں، کوشش کی اور کامیاب ہوگیا۔