شارجہ (مانیٹرنگ ڈیسک) پاکستان نے ایک سنسنی خیز میچ کے بعد افغانستان کو شکست دی، 18 اوور تک ایسا لگ رہا تھا کہ پاکستان یہ میچ ہار جائے گا لیکن نسیم شاہ کی شاندار بیٹنگ نے پانسہ ہی پلٹ دیا، اس موقع پر اسٹیڈیم میں موجود افغان تماشائی بپھر گئے، انہوں نے شارجہ سٹیڈیم میں توڑ پھوڑ کی اور دوسری جانب کھڑے پاکستانی شائقین پر کرسیاں بھی پھینکیں جس کی ویڈیو وائرل ہو گئی۔
واضح رہے کہ ایشیا کپ 2022 کے اہم میچ میں نسیم شاہ نے آخری اوور میں مسلسل دو چھکے لگا کر پاکستان کو ایک انتہائی سنسنی خیز مقابلے کے بعد افغانستان سے ایک وکٹ کی فتح دلا کرفائنل میں پہنچا دیا ،افغانستان نے پہلے کھیلتے ہوئے مقررہ اوورز میں 6 وکٹوں کے نقصان پر 129 رنز بنا ئے،پاکستان نے افغانستان کا 130 رنز کا ہدف آخری اوور میں نسیم شاہ کے مسلسل 2 چھکوں کی بدولت پورا کرلیا ،پاکستان کی جانب سے حارث رف نے 2، نسیم شاہ،حسنین، شاداب اور محمد نواز نے ایک ، ایک وکٹ حاصل کی، شاداب خان مین آف دی میچ قرار پائے ۔شارجہ میں کھیلے گئے میچ میں بابراعظم نے ٹاس جیتا اور افغانستان کے خلاف پہلے فیلڈنگ کا فیصلہ کیا۔افغانستان کے دونوں اوپنرز نے پاکستانی بالرز کے خلاف پراعتماد آغاز کیا اور پہلے اوور میں محتاط انداز اپنایا تاہم محمد حسنین کے اوور میں رحمن اللہ گرباز نے مسلسل دو چھکے لگا کر اسکور 20 رنز تک پہنچایا۔حارث رئوف چوتھا اوور کرنے آئے تاہم تیسری گیند پر نسیم شاہ نے بانڈری پر ایک آسان کیچ ڈراپ کرتے ہوئے حضرت اللہ زازئی کو قیمتی موقع دیا۔افغانستان کی ٹیم کو حارث نے پانچویں گیند پر زبردست دھچکا پہنچایا اور گزشتہ میچوں میں اچھی کارکردگی دکھانے والے رحمن اللہ گرباز کی وکٹیں اڑا دیں۔رحمن اللہ گرباز نے حسنین کے اوور میں لگائے 2 چھکوں کی مدد سے 11 گیندوں پر 17 رنز بنائے تھے۔محمد حسنین اپنے دوسرے اوور میں بھی مشکلات کا شکار نظر آئے جہاں انہیں ایک وائیڈ بال کے علاوہ ایک چوکا بھی برداشت کرنا پڑا تاہم پانچویں گیند پر حضرت اللہ زازئی کو کلین بولڈ کرتے ہوئے حساب برابر کردیا۔پاکستانی بالرز نے
دونوں اوپنرز کو آٹ کرکے افغان ٹیم کو شدید مشکلات سے دوچار کردیا اور 12 ویں اوور کی دوسری گیند پر کریم جنت کو محمد نواز نے فخر زمان کے ہاتھوں کیچ کرایا۔کریم جنت نے 19 گیندوں پر ایک چوکے کی مدد سے 15 رنز بنائے تھے۔نجیب اللہ زدران نے شاداب خان کو 14 ویں اوور میں ایک بلند وبالا چھکا لگا کر خطرناک عزائم دکھائے تاہم لیگ اسپنر نے ان کو کھلی چھٹی نہیں دی اور آخری گیند پر
فخر کے ہاتھوں کیچ آٹ کرایا۔کپتان محمد نبی پانچویں نمبر پر بیٹنگ کے لیے آئے تو 15 واں اوور کرنے نسیم شاہ کو بلایا گیا جنہوں نے افغان کپتان کی پہلی گیند پر وکٹیں اڑا دیں۔محمد نبی صفر پر آٹ ہوئے تو افغانستان کا اسکور 91 رنز تھا۔ابراہیم زدران نے مشکل میں گری افغان ٹیم کی نیا پار لگانے کی بھرپور کوشش کی لیکن حارث رف نے ان کی اننگز 35 رنز تک محدود کردی، جس کے لیے
انہوں نے 37 گیندوں کاسامنا کیا۔زدران کی 37 گیندوں پر مشتمل 35 رنز کی اننگز میں 2 چوکے اور ایک چھکا شامل تھا۔راشد خان نے آخری اوور میں حارث رئوف کی پہلی دو گیندوں پر کوئی رن نہیں بنایا تاہم تیسری گیند پر خوبصورت شاٹ کھیلتے ہوئے چھکا لگایا اور اگلی گیند پر چوکا مارا اور ٹیم کا اسکور آگے بڑھایا۔افغانستان نے مقررہ اوورز میں 6 وکٹوں کے نقصان پر 129 رنز بنا لیے۔
راشد خان 18 اور عظمت اللہ عمر زئی نے آٹ ہوئے بغیر 10 رنز بنائے۔پاکستان کی جانب سے حارث رف نے سب سے زیادہ 2 وکٹیں حاصل کیں جبکہ دیگر بالرز کو ایک،ایک وکٹ ملی۔پاکستان نے ہدف کا تعاقب شروع کیا تو کپتان بابراعظم پہلے اوور کی دوسری گیند پر آئوٹ ہوگئے، فضل حق نے انہیں ایل بی ڈبلیو کیا۔کپتان کے آئوٹ ہونے کے بعد فخرزمان بیٹنگ کے لیے آئے تو بلے باز پریشان دکھائی دئیے
اور فخرزمان 9 گیندوں پر 5 رنز بنا کر رن آئوٹ ہوگئے۔محمد رضوان اور افتخار احمد نے تیسری وکٹ پر 27 رنز کی شراکت قائم کرتے ہوئے اسکور 9 ویں اوور میں 45 رنز تک پہنچایا۔راشد خان نے بہترین اسپن بائولنگ کے ذریعے ٹورنامنٹ کے بہترین بلے باز محمد رضوان کو ایل بی ڈبلیو کردیا جنہوں نے ایک چوکے اور ایک چھکے کی مدد سے 20 رنز بنالیے تھے۔شاداب خان ٹیم کو واپس اچھی پوزیشن کی
طرف لے آئے اور 13 ویں اوور میں محمد نبی کو ایک بلند و بالا چھکا رسید کیا اور دوسرے اینڈ سے افتخار احمد نے ان کا ساتھ دیا۔چوتھی وکٹ پر 42 رنز کی شراکت ہوئی لیکن فرید احمد کی گیند پر افتخار احمد ایک اونچا شاٹ کھیلنے کی کوشش میں ابراہیم زدران کا کیچ بنے، ان کی اننگز 33 گیندوں میں 30 رنز پر مشتمل تھی۔شاداب خان نے ٹیم کو 97 کے اسکور تک پہنچایا تاہم وہ ایک چوکے
اور 3 چھکوں کی مدد سے36 رنز بنا کر راشد خان کی وکٹ بنے۔بھارت کیخلاف فتح گر کارکردگی دکھانے والے محمد نواز افغانستان کے خلاف اچھی اننگز کھیلنے میں ناکام ہوئے اور صرف 4 رنز بنا کر فضل حق فاروقی کی گیند پر ایل بی ڈبلیو آٹ ہوئے تو ٹیم مزید دبائو میں آگئی۔
خوشدل شاہ بھی مکمل طور پر ناکام رہے اور صرف ایک رن بنایا اور انہیں فرید احمد بولڈ کردیا۔حارث رئوف بھی ایک گیند کے مہمان ثابت ہوئے اور فرید احمد صفر پر بولڈ کردیا۔آصف علی نے 8 گیندوں پر 2 چھکوں کی مدد سے 16 رنز بنا کر آٹ ہونے والے 9 ویں بلے باز تھے
نوجوان نسیم شاہ نے جب تمام بلے باز ناکام ہو کر پویلین لوٹ گئے تو کریز سنبھالی اور آخری اوور کی ابتدائی دونوں گیندوں پر دو چھکے رسید کرتے ہوئے ایک وکٹ سے فتح دلائی اور افغانستان کی امیدیں دم توڑ گئیں،پاکستان نے 20 ویں اوور کی دوسری گیند پر 9 وکٹوں کے نقصان پر 131 رنز بنا ئے۔نسیم شاہ نے آئوٹ ہوئے بغیر 4 گیندوں پر 14 رنز بنائے، محمد حسنین دوسرے اینڈ کر کسی گیند کا سامنا کیے بغیر کھڑے رہے۔
