دبئی (این این آئی)متحدہ عرب امارات میں جاری ایشیا کپ 2022 کے دوران پاکستانی شائقین کی بھارتی کرکٹ سپورٹرز کو شکست کے بعد ٹشو پیپر دینے کی ویڈیو وائرل ہو گئی۔ پاکستان نے دبئی میں کھیلے گئے میچ میں بھارت کو دلچسپ مقابلے کے بعد 5 وکٹوں سے شکست دیکر کامیابی حاصل کی تھی جس کی متعدد ویڈیوز،
دو روز گزرنے کے بعد بھی وائرل ہو رہی ہیں۔ایسی ہی ایک وائرل ویڈیو میں ایک پاکستانی سپورٹر کو ہاتھ میں ٹشو پیپر کا ڈبا اٹھائے بھارتی شائقین میں ٹشو تقسیم کرتے دیکھا جا سکتا ہے۔ویڈیو میں موجود ایک بھارتی شائقین کرکٹ کو ٹشو خود سے مانگتے اور بعدازاں منہ صاف کرتے بھی دیکھا گیا جبکہ کچھ بھارتی شائقین کو ناراض ہوتے بھی دیکھا گیا۔ ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے بھارت کو آخری اوور میں شکست دے کر گروپ میچ کی ہار کا حساب برابر کیا تھا۔دوسری جانب بھارتی اداکارہ اور ماڈل گرل اروشی روٹیلا کی جانب سے پاکستانی فاسٹ بولر نسیم شاہ کی ویڈیو اسٹوری پوسٹ کیے جانے کے بعد سوشل میڈیا پر دلچسپ میمز اور تبصروں کا سلسلہ شروع ہو گیا۔تفصیلات کے مطابق بھارت کے خلاف پاکستان کے میچ کے بعد اروشی روٹیلا نے ایک فین پیچ سے شیئر کی گئی ایڈیٹ ویڈیو کو انسٹاگرام اسٹوری پر شیئر کیا جس سے بظاہر یہ تاثر جا رہا ہے کہ بھارتی اداکارہ بھی فاسٹ بولر نسیم شاہ سے متاثر ہوگئی ہیں۔ویڈیو میں نسیم شاہ کو بولنگ کے دوران ہنستے تو کبھی اداس ہوتے جبکہ اروشی کو انہماک سے میچ دیکھتے اور ادائیں دکھانے کو ایک ساتھ ایڈیٹ کرکے دکھایا گیا ہے، بیک گراؤنڈ میوزک میں پاکستانی گلوکار عاطف اسلم کا گانا بھی چل رہا ہے۔ اسٹوری ویڈیو کے وائرل ہوتے ہی سوشل میڈیا پر میمز اور تبصروں کا سلسلہ شروع ہوگیا۔
ایک صارف نے اروشی اور نسیم شاہ کی مذہبی انداز میں ایڈیٹ تصویر کو مستقبل کا ایک سین قرار دیا۔ایک صارف نے نسیم اور اروشی کی ویڈیو سے لی گئی تصویر کو شیئر کرتے ہوئے لکھا نسیم نے ریشبھ پنٹ کو بنا بولنگ کیے کلین بولڈ کر دیا۔یاد رہے کہ پاک بھارت میچ کے بعد بھارتی سوشل میڈیا پر اروشی اور ریشبھ پنٹ کے درمیان مبینہ تعلقات کے الزامات پر ماضی میں ہونے والی چپقلش سے متعلق نئی میمز وائرل تھیں۔ایک صارف نے ٹوئٹ کرتے ہوئے سوال کیاکہ اروشی نے اپنی اور نسیم کی خوبصورت سی ویڈیو شیئر کی،کیا ایک اور بھابھی آنے والی ہے؟۔ملک اشرف نامی صارف نے تو اروشی کو نسیم شاہ سے دور رہنے کا مشورہ دے ڈالا۔
