اسلام آباد (این این آئی)متحدہ عرب امارات سے دو امدادی پروازیں پاکستان پہنچیں ۔ ترجمان دفتر خارجہ کے مطابق پاکستان اور متحدہ عرب امارات کے درمیان انسانی ہمدردی کی بنیاد پر قائم فضائی پل کا تسلسل جاری ہے ،فضائی پل کے تسلسل میں متحدہ عرب امارات سے دو امدادی پروازیں پاکستان پہنچیں۔ ترجمان نے کہاکہ یہ پروازیں نور خان ایئربیس، راولپنڈی پر موصول ہوئیں، متحدہ عرب امارات سے مجموعی طور پر 18 پروازیں خوراک، طبی سامان اور خیمے وغیرہ لے کر پاکستان پہنچ چکی ہیں۔ترجمان دفترخارجہ نے کہاکہ پاکستان اس سنگین مشکل کی گھڑی میں حمایت اور یکجہتی کا مظاہرہ کرنے پر متحدہ عرب امارات کی حکومت اور عوام کا شکر گزار ہے۔