اسلام آباد (این این آئی)جاپان نے پاکستان کے سیلاب متاثرین کیلئے ہنگامی امداد کا اعلان کردیا۔جاپانی وزیر خارجہ ہیاشی یوشی ماسا کے مطابق جاپان حکومت سیلاب متاثرین کیلئے 70 لاکھ ڈالر کی امداد دے گی۔پاکستان میں جاپانی سفیر نے کہاکہ جاپان مشکل وقت میں پاکستانی عوام کے ساتھ کھڑا ہے اور اجتماعی امدادی کارروائیوں کیلئے اپنی امداد بڑھائیں گے، صحت، خوراک، پانی، صفائی ستھرائی اور پناہ گاہوں کیلئے مددفراہم کریں گے۔انہوںنے کہاکہ جاپان سیلاب متاثرین کیلئے ٹینٹ اورپلاسٹک شیٹوں کی ہنگامی امدادبھی فراہم کرچکا ہے۔