واشنگٹن (نیوز ڈیسک) ری پبلکن پارٹی کے صدارتی امیدوار کی دوڑ میں شامل ڈونلڈ ٹرمپ کا ہیئرسٹائل طویل عرصے سے زیربحث ہے اور مخالفین کا کہنا ہے کہ یہ غیرحقیقی محسوس ہوتا ہے۔ نیویارک ٹائمز نے اس والے سے فرنٹ پیج پر سٹوری چھاپی جس میں ایک ہسپانوی ریڈیو پروگرام کا حوالہ دیا گیا جس کا موضوع تھا ’ایک آدمی ویگ کے ساتھ‘۔ تاہم ایک تقریب کے دوران ڈونلڈ ٹرمپ نے کہا کہ آج ہم یہ مسئلہ حل کردیں گے، میں قسم کھاتا ہوں کہ میرے بال اصلی ہیں اور میں ویگ نہیں لگاتا۔ اس کے بعد ٹرمپ نے ہال میں سے ایک خاتون کو بلایا اور اس سے کہا کہ چیک کرکے بتا یابال اصلی ہیں یا نقلی۔ خاتون نے بال کھینچ کر دیکھے اور تصدیق کی کہ بال اصلی ہیں۔