لاہور( این این آئی) سپلائی چین میں تعطل آنے کی وجہ سے اندرون ملک کھانے کے تیل و گھی کے بحران کا خدشہ پیدا ہو گیا۔ بتایا گیا ہے کہ سیلاب کی وجہ سے

جہاں دوسری اشیا ئے ضروریہ کی ترسیل متاثرہوئی وہیں تیل گھی کے بحران کا خدشہ بھی پیدا ہوگیا ہے۔ سندھ میں بالخصوص مورو، نوابشاہ سمیت دیگر راستے جبکہ سکھر سے بلوچستان راستہ بند ہونے کے باعث کھانے کے تیل گھی اور خوردنی تیل کی سپلائی رک گئی ہے۔

چیئرمین آل پاکستان ایڈیبل آئل ٹینکر ایسوسی ایشن بختاور خان نے کہا ہے کہ کھانے کے تیل سے لدے 800 سے 1000 ٹینکر قومی شاہراہوں پر پھنسے ہوئے ہیں

جبکہ ڈرائیورز اور کلینرز بھی بے یارو مددگار ہیں۔ انہوں نے کہا کہ یہی صورتحال برقرار رہی تو ملک میں کھانے کے تیل گھی کے

بحران کا خدشہ پیدا ہوسکتا ہے۔انہوںنے حکومت سے مطالبہ کیا ہے کہ کھانے کے تیل کی سپلائی کی بحالی

کے لئے متبادل اقدامات کئے جائیں تاکہ کسی بھی قسم کے بحران سے بچا جاسکے۔