لاہور( این این آئی) سیلاب کے باعث ساڑھے 3 لاکھ ٹن گندم ضائع ہونے سے بحران نے سر اٹھالیا جبکہ گندم درآمد نہ کرنے کی صورت میں دسمبر میں گندم کی قلت پیدا ہونے کا امکان ہے ۔محکمہ خوراک کے ذرائع نے بتایا کہ راجن پور اورفاضل پور گوداموں میں ساڑھے 3 لاکھ ٹن گندم ضائع ہوگئی ہے۔پنجاب میں گندم کا سرکاری کوٹہ 16700ٹن روزانہ ہے اور گندم کی ضرورت25ہزار ٹن ہے، اگرگندم نہ منگوائی تو دسمبر میں قلت پیدا ہونے کا امکان ہے ۔فلور ملز ایسوسی ایشن نے کہا ہے کہ جتنا کوٹہ مل رہا ہے اس کا آٹا مارکیٹ میں سپلائی کر رہے ہیں یہی حال رہا تو گندم قلت کا خدشہ ہے،مارکیٹ ڈرائی ہونا شروع ہو گئی، حکومت فوری کوٹے میں اضافہ کرے۔