اسلام آباد (این این آئی)مسلم لیگ (ن )کے سینیٹر عرفان صدیقی نے کہا ہے کہ عمران خان کے مطابق اعلی فوجی تعیناتیوں کے لیے بنی گالہ سے حب الوطنی کا سرٹیفکیٹ لینا ہو گا۔ ن لیگ کے سینیٹر عرفان صدیقی نے عمران خان کے متنازع بیان پر ردعمل دیتے ہوئے کہا کہ عمران خان کے مطابق اعلی فوجی تعیناتیوں کے لیے بنی گالہ سے حب الوطنی کا سرٹیفکیٹ لینا ہو گا۔عرفان صدیقی نے کہا کہ عمران خان کے مطابق آرمی چیف بننے کے اہل کچھ سینئر جرنیل ایسے بھی ہیں جو محب وطن نہیں، کیا پاکستان کے کسی کھلے دشمن نے بھی کبھی ایسا الزام لگایا ہے؟