لاہور( این این آئی)گزشتہ 24 گھنٹوں کے دوران صوبہ بھر سے کورونا کیسز 113 نئے کیسز سامنے آئے ہیںجس سے بھر میں کورونا کے کیسز کی کل تعداد 520,810 ہو چکی ہے۔رپورٹ کے مطابق اب تک صوبہ بھر میں 504,276 مریض علاج کے بعد مکمل صحت یاب ہو کر اپنے گھروں کو واپس جاچکے ہیں۔ گزشتہ چوبیس گھنٹوں کے دوران صوبہ بھر میں کورونا کے باعث کوئی ہلاکت رپورٹ نہیں ہوئی ہے۔ گزشتہ 24 گھنٹوں کے دوران لاہور سے کورونا وائرس سے 69 ،فیصل آباد سے 14 ،راولپنڈی سے 12 ،بہاولپور، چکوال، جھنگ، ننکانہ صاحب، پاکپتن اور سیالکوٹ سے 2،2 ،گوجرانولہ، گجرات، مظفرگڑھ، سرگودھا، شیخوپورہ اور وہاڑی سے 1،1 کیس رپورٹ ہوا۔گزشتہ چوبیس گھنٹوں کے دوران صوبہ بھر کے تمام شہروں میں کورونا کے مثبت کیسز کی مجموعی شرح 1.5 فیصد ریکارڈ کی گئی۔