لاہور( این این آئی)معروف پاکستانی گلوکار ابرارالحق نے پہلے سے شیڈول اپنے ایک کنسرٹ سے حاصل ہونے والی رقم سیلاب متاثرین کی مدد کے لیے وقف کرنے کا اعلان کر دیا۔سوشل میڈیا کے مختلف پیجز پر ابرارالحق کی ایک ویڈیو وائرل ہو رہی ہے۔اس ویڈیو میں ابرارالحق کو ایک سوال کے جواب میں یہ کہتے ہوئے سنا جا سکتا ہے کہ یہاں سے ہم نے پیسے لینے ہیں جو ہم سیلاب زدگان کی مدد کے لیے استعمال کریں گے۔انہوں نے کہا کہ میرا یہ کنسرٹ پہلے سے شیڈول تھا اور اب ان حالات میں ہم یہ کنسرٹ کوئی خوشی سے نہیں کر رہے ہیں بلکہ یہاں سے صرف عطیات جمع کریں گے۔گلوکار ابرا ر الحق نے کہا کہ یہ ہماری مجبوری ہے، یہاں ہم نے بینرز بھی لگائے ہوئے ہیں اور آنے والے لوگوں سے یہ درخواست بھی کریں گے کہ وہ اپنا حصہ ڈالیں۔