راولپنڈی (آن لائن) انتہائی خطرناک اور چیلنجنگ صورتحال میں پاکستان آرمی ایوی ایشن کے پائلٹس نے کمال بہاردی کا مظاہرہ کرتے ہوئے کوہستان میں سیلاب میں پھنسے ایک شخص کو بچا لیا۔ آئی ایس پی آر کے مطابق کوہستان انتظامیہ کی جانب سے ہنگامی کال پر فوری طور پر جواب دیا گیا۔ جی او سی منگلا ڈویژن اور کمانڈر منگلا بریگیڈ پتن کے قریب فلڈ اسیسمنٹ مشن پر تھے۔جی او سی منگلا ڈویژن اور کمانڈر منگلا بریگیڈ نے محصور فرد کی جان بچانے کے لیے پرواز سے رخ موڑا۔اگر وہ وقت پر نہ پہنچتے تو یہ شخص سیلاب میں ڈوب سکتا تھا۔پائلٹس نے جر آت مندانہ کوشش کی، ہیلی کاپٹر کو نیچے اتارا اور افسران اور عملے نے اس فرد کو بحفاظت باہر نکال لیا۔آرمی ایوی ایشن پائلٹس نے ہچکچاہٹ کا مظاہرہ کئے بغیر متاثرہ شخص کو بچایا۔

موضوعات:پاکستان آرمی ایوی ایشن پائلٹس