ڈیرہ اسماعیل خان( این این آئی)ڈیرہ اسماعیل خان کے علاقے تحصیل درابن گائوں کہاوڑ میں خاتون کے ہاں امدادی ایمبولینس میں بچے کی پیدائش ہوئی۔ریسکیو 1122 ٹیم نے سیلابی میں پھنسی حاملہ خاتون کو کشتی کے ذریعے ایمبولینس میں منتقل کیا، جہاں ایمبولینس میں ہی ریسکیو1122 ٹیم کی نگرانی میں بچے کی بحفاظت پیدائش ہوئی۔ ریسکیو 1122 کے جوانوں نے بچے کے کان میں اذان بھی دی۔ریسکیو اہلکار کی بچے کے کان میں اذان دینے کی ویڈیو سوشل میڈیا پر وائرل ہو رہی ہے اور عوام کی جانب سے ریسکیو اہلکاروںکو بھرپور خراج تحسین پیش کیا گیا ہے ۔