کراچی (آن لائن)تحریک انصاف نے کراچی میں قومی اسمبلی کے حلقے این اے 245 کے ضمنی انتخاب میں کامیابی حاصل کرلی۔ 263  پولنگ اسٹیشن کے غیرسرکاری و غیرحتمی نتائج کے مطابق تحریک انصاف کے محمود مولوی 29475 ووٹ لے کر جیت گئے  جبکہ ایم کیو ایم امیدوار معید انور 13193 ووٹ لے کر دوسرے نمبر پررہے.تحریک لبیک پاکستان کے امیدوار احمد رضا نے 9836 ووٹ حاصل کئے۔اس کے علاوہ آزاد امیدوار فاروق ستار 3435 اور پی ایس پی کے امیداوار حفیظ الدین کو 1074 ووٹ ملے۔حلقہ این اے 245 میں ضمنی الیکشن کے لیے پولنگ کا وقت صبح 8 بجے شروع ہوا جو کسی وقفے کے بغیر شام 5 بجے تک جاری رہا۔