مہنگائی کا دور ہے والد یومیہ خرچ 100 روپے دیتے ہیں، باپ کے رویے سے تنگ طالبہ والد کے 27 لاکھ روپے اٹھا کر تھانے پہنچ گئی
رحیم یارخان(این این آئی)تعلیمی اخراجات پورے نہ کرنے پرکالج کی طالبہ گھر میں موجود کنجوس باپ
کی جمع پونجی27لاکھ روپے اٹھاکر پولیس اسٹیشن پہنچ کر باپ کے خلاف پولیس کو درخواست دے دی
جس پر پولیس نے طالبہ کے باپ شوکت کو تھانے بلوا کر معاملہ حل کرادیا۔باپ نے پولیس کی موجودگی میں
اپنے بچوں کو جیب خرچ کے روزانہ ایک سو کی بجائے پانچ سو دینے کا تحریری وعدہ کیاجس پر27لاکھ کی رقم
باپ کے اکاؤنٹ میں جمع کردی گئی۔ یہ انوکھا واقعہ رحیم یارخان کے نواحی تھانہ کوٹ سمابہ میں پیش آیا
جہاں کنجوس باپ شوکت کی طرف سے کم خرچہ ملنے اور کھر میں سالن کے پیسے نہ دینے پر موضع مو مبارک
کی رہائشی طیبہ شوکت نامی طالبہ گھر سے 27لاکھ روپے کی بڑی رقم چرا کر تھانے پہنچ گئی اور پولیس
کو تحریری درخواست دی کہ وہ گورنمنٹ کالج رحیم یارخان کی طالبہ ہے میرا والد مجھے 100روپے خرچہ دیتا ہے
اتنی مہنگائی میں 100روپے میں تعلیمی اخراجات اور گھر کا خرچہ پورا نہیں ہوتا۔ گھر میں کئی کئی دن سالن نہیں پکتا،مجھے باپ سے پورا جیب خرچ دلوایا جائے۔
