اسلام آباد (مانیٹرنگ ڈیسک /آن لائن )ممنوعہ فنڈنگ کیس تحقیقات میں پی ٹی آئی قیادت کی گرفتاری متوقع ہیں ۔ نجی ٹی وی دنیا کے مطابق پی ٹی آئی ممنوعہ فنڈنگ ​​کیس کی تحقیقات کے معاملہ تحریک انصاف کی قیادت کی گرفتاری متوقع ہے ۔تفصیلات کے مطابق ممنوعہ فنڈنگ کیس تحقیقات کے

معاملے پر ایف آئی اے نے سوالات کے جواب کے لئے عمران خان اور سیکرٹری جنرل پی ٹی آئی اسد عمرکو دوبارہ نوٹس بھجوانے کا فیصلہ کیا ہے۔3 دفعہ نوٹسز بھجوانے کے بعد تعاون نہ کرنے کی صورت میں وارنٹ جاری کئے جائیں گے۔ذرائع نے بتایا کہ عمران خان اور سیکرٹری جنرل پی ٹی آئی کو سوالوں کے جوابات دینے کیلئے دوبارہ نوٹسز کا فیصلہ اعلیٰ سطح اجلاس میں کیا گیا،اجلاس میں فیصلہ کیا گیا کہ دوسرے نوٹسزمیں عمران خان اور سیکرٹری جنرل اسد عمر نے سوالوں کے جواب نہ دیئے تو اس کے بعد تیسری بار نوٹسزجاری کئے جائیں گے ،اس کے بعد بھی تعاون نہ کرنے کی صورت میں دونوں کے خلاف وارنٹ گرفتاری جاری کئے جائیں گے ۔ذرائع نے مزید بتایا کہ ایف آئی اے تحقیقات میں مزید پیش رفت بھی سامنے آگئی ،بیرون ممالک پاکستان تحریکِ انصاف کو فنڈنگ کرنے والی مزید 5 کمپنیوں کا سراغ لگا لیا گیا ہے،پانچوں کمپنیوں کا الیکشن کمیشن اور ایف بی آر میں جمع کرائے گئے گوشواروں میں ذکر نہیں ہے، ذرائع نے مزید بتایا کہ کمپنیاں امریکا، انگلینڈ، آسٹریلیا، بیلجیئم اور کینیڈا میں سامنے آہیں،ان پانچوں کمپنیوں میں سے کچھ بند ہیں کچھ اب بھی فعال ہیں،بند ہونے والی کمپنیوں کی آڈٹ رپورٹس طلب کر لی گئیں ہیں۔
۔