لاہور( این این آئی) محکمہ خزانہ نے اورنج لائن میٹرو ٹرین کا کرایہ فاصلے کے تناسب سے بڑھانے کی سمری حتمی منظوری کیلئے وزیر اعلیٰ پنجاب کو ارسال کر دی۔ تفصیلات کے مطابق محکمہ ٹرانسپورٹ نے اورنج لائن میٹرو ٹرین کا کرایہ فلیٹ ریٹ کی بجائے فاصلے کے تناسب سے کرنے کی سمری منظوری کے لئے محکمہ خزانہ کو ارسال کی تھی جس کے تحت کم سے کم کرایہ 20روپے جبکہ زیادہ سے زیادہ کرایہ40روپے مقرر کرنے کا کہا گیا ۔محکمہ خزانہ نے محکمہ ٹرانسپورٹ کی سمری منظوری کے بعد وزیر اعلیٰ پنجاب کو ارسال کر دی ہے جو اس پر حتمی فیصلہ کریں گے۔