نوکریوں کی بحالی کا مطالبہ
لاہور (آن لائن) پاکستان تحریک انصاف کے دور حکومت میں پنجاب پولیس سے ملازمتوں سے فارغ کئے گئے ریٹائرڈ فوجی سراپا احتجاج بن گئے۔
انہوں نے ملازمتوں پر بحالی کے مطالبے کی حمایت میں وزیراعلیٰ پنجاب چودھری پرویز الٰہی کی رہائش گاہ واقعہ ظہور الٰہی روڈ پر احتجاج کرتے ہوئے دھرنا دے دیا۔
سینکڑوں ریٹائرڈ فوجیوں کا مطالبہ تھا کہ انہیں پنجاب پولیس میں ملازمتوں پر بحال کیا جائے اور ان کی بحالی تک ان کا احتجاج جاری رہے گا۔
مظاہرین کے مطابق انہیں پنجاب پولیس میں کانسٹیبل کے عہدوں پر بھرتی کیا گیا۔ لیکن تحریک انصاف کی حکومت نے انہیں ملازمتوں سے نکال دیا۔
مظاہرین نے اعلان کیا کہ ملازمتوں پر بحالی تک ان کا احتجاجی دھرنا جاری رہے گا۔
