اسلام آباد (این این آئی) پاک فوج کیخلاف نفرت انگیز مہم میں بھارتی سوشل میڈیا اکاؤنٹس بھی ملوث نکلے۔ میڈیا رپورٹ کے مطابق لسبیلہ ہیلی کاپٹر واقعے کے بعد
سوشل میڈیا پر نفرت انگیز مہم میں بھارتی سوشل میڈیا اکاؤنٹس نے بھی بڑھ چڑھ کر حصہ لیا۔تحقیقاتی ذرائع کے مطابق ایک سیاسی جماعت کے کارکنوں کی جانب سے پاک فوج کے خلاف مہم چلائی گئی۔مہم شروع ہونے کے بعد بھارتی سوشل میڈیا اکاؤنٹس بھی اس مہم میں شامل ہوگئے۔
اب تک کی تحقیقات کے مطابق 17 بھارتی اکاؤنٹس نے پاک فوج کے خلاف سوشل میڈیا مہم میں حصہ لیا۔نجی ٹی وی کے مطابق تحقیقاتی ذرائع کا کہنا ہے کہ
بھارتی سوشل میڈیا اکاؤنٹس نے پاک فوج کے خلاف ہرزہ سرائی میں بھرپور حصہ لیا۔مہم میں شامل سیاسی جماعت کے کارکنوں کے ویڈیو
بیانات پہلے ہی منظر عام پر آچکے ہیں۔ذرائع نے مزید کہا کہ دیکھا جارہا ہے کہ بھارتی اکاؤنٹس کے نام پر کچھ اکاؤنٹس پاکستان سے تو نہیں چل رہے تھے۔
