کراچی(این این آئی)پاکستان نپیپلزپارٹی کے شریک چیئرمین اور سابق صدر مملکت آصف زرداری نے کہا ہے کہ فوج کے جوانوں پر حملہ کرنے والے دہشت گرد ناقابل معافی ہیں۔سابق صدر آصف علی زرداری نے شمالی وزیرستان میں فوج کے جوانوں پر خودکش حملے کی مذمت کی ہے۔آصف زرداری نے کہا کہ فوج کے جوانوں پر حملہ کرنے والے دہشت گرد ناقابل معافی ہیں، نیشنل ایکشن پلان کے تحت وطن دشمن دہشت گردوں کا مکمل صفایا کیا جائے۔سابق صدر آصف علی زرداری نے کہا کہ دھرتی کے محافظ بہادر بیٹوں کے قاتلوں کو ان کے انجام تک پہنچایا جائے گا۔آصف علی زرداری نے فوج کے جوانوں کی شہادت پر افسوس کا اظہار کیا جبکہ آصف علی زرداری نے شہدا کے خاندانوں سے ہمدردی اور تعزیت کا اظہار بھی کیا ہے۔