لاہور( این این آئی)نامور اداکارہ مہوش حیات نے اپنی فلم لندن نہیں جائوں گا ‘‘ کی پروموشنز کے دوران دبئی میں لی گئی تصاویر سوشل میڈیا پر اپ لوڈ کردیں ۔اداکارہ گزشتہ دنوں اپنی فلم ’’لندن نہیں جائوں گا‘‘ کے پروموشن میں مصروف تھیں اور انہوں نے فلم کے دبئی میں ہونے والے پروموشنز کے دوران لی گئیں چند تصاویر اپنے انسٹاگرام پر شیئر کیں ۔تصاویر شیئر کرتے ہوئے اداکارہ نے بتایا کہ انہوں نے اماتو کوچر کا تیار کردہ لباس زیب تن کیا ہے ساتھ ہی یہ بھی لکھا کہ تمھیں گھورتے ہوئے ماروں یا مسکراتے ہوئے؟۔مہوش حیات نے یہ تصاویر لینے پر اداکارہ کبری خان کا شکریہ اداکرتے ہوئے لکھا کہ میں اب جانتی ہوں کہ مجھے اپنے اگلے فوٹو شوٹ کے لیے کس سے رابطہ کرنا چاہیے۔تاہم اداکارہ کی جانب سے پوسٹ کی گئی تصاویر پر سوشل میڈیا صارفین نے اداکارہ کو ان کے لباس پر تنقید کا نشانہ بنایا ۔