لاہور( این این آئی)بڑے بجٹ کی دو پاکستانی فلمیں ستمبر میں سینمائوں کی زینت بننے کا امکان ہے جن میں ’ ’ دی لیجنڈ آف مولا جٹ اور ’’ ضرار ‘‘ شامل ہیں۔ان فلموں میںماہرہ خان، فواد خان ،شان شاہد ، حمزہ علی عباسی جیسے بڑے نام شامل ہیں۔اطلاعات کے مطابق فواد اور ماہر ہ کی فلم ’’دی لیجنڈ آف مولا جٹ ‘‘ستمبر کے آخری ہفتے میں نمائش کے لئے پیش کی جائے گی۔پاکستان کی ایک اور میگا بجٹ فلم ’’ضرار ‘‘جس میں شان شاہد مرکزی کردار بنھاتے دکھائی دیں گے کہا جا رہا ہے کہ یہ پہلی پاکستانی اسپائی تھرلر فلم ہے جسے زیادہ تر ملک سے باہر عکس بند کیا گیا ہے جبکہ فلم کو بیس کروڑ سے زائد کے بجٹ میں تیار کیا گیا ہے ۔یہ دونوں فلمیں کافی عرصے سے ریلیز کے ئے منتظر ہیں ،اب ایک بار پھر ان فلموں کی نمائش کے حوالے سے بات کی جا رہی ہے۔