نئی دہلی(نیوز ڈیسک)بھارت کے سابق وزیر دفاع اور گانگریس کے رکن اے کے انتھونی نے دعویٰ کیا ہے کہ پاکستان کے ساتھ قومی سلامتی مشیروں کی ملاقات کی بات ڈرامہ تھا،بھارتی حکومت نے مذاکرات کی سرے سے کوئی تیاری ہیں نہیں کی تھی،مودی سرکار کی غیر سنجیدگی سے ملاقات کا اہم موقع ضائع ہو گیا۔نئی دہلی میں میڈیا سے گفتگو کرتے ہوئے۔انھوں نے کہا کہ بی جے پی کی حکومت پاکستان کے ساتھ مذاکرات کے لئے تیار نہیں تھی اور قومی سلامتی کے مشیروں کی ملاقات کی باتیں محض ڈرامہ تھا۔اگر مودی سرکار مذاکرات کے لئے سنجیدہ ہوتی تو اس کے لئے تیاری کی جاتی مگر ایسا کچھ نہیںہوا۔مودی سرکار نے مذاکرات کے لئے تیاری نہیں کی تھی جس کی وجہ سے بات چیت تعطل کا شکار ہوئی ہے۔انھوں نے کہا کہ بی جے پی کی غیر سنجیدگی نے دونوں ملکوں کے درمیان مذاکرات اور خطے میں امن کا ایک موقع ضائع کر دیا ہے۔انہوں نے کہاکہ اگر مودی سرکار سنجیدگی کا مظاہرہ کرتی تو تمام مسائل بشمول دہشتگردی پر بھی بات چیت ہوسکتی تھی۔