اسلام آباد (این این آئی)پاکستان کی سابق وزیر اعظم محترمہ بینظیر بھٹو کی ایک پرانی ویڈیو وائرل ہو رہی ہیں جس میں وہ بیٹے بلاول بھٹو زرداری کو کردار سے متعلق نصیحت دے رہی ہیں۔ویڈیو میں دیکھا جاسکتا ہے کہ بینظیر بلاول سے مخاطب ہوتے ہوئے کہہ رہی ہیں کہ یہ یاد رکھو! جو لوگ دکھاوا کرتے ہیں اْن میں اعتماد کی کمی ہوتی ہے۔محترمہ بینظیر نے اپنے بیٹے سے کہا کہ جن کا کردار مضبوط ہوتا ہے اْنہیں کبھی دکھاوے یا کسی سے چیزیں لینے کی ضرورت محسوس نہیں ہوتی۔سوشل میڈیا پر زیرِ گردش ویڈیو پر صارفین اپنی رائے کا کْھل کر اظہار کر رہے ہیں اور سابق وزیر اعظم کی اس نصیحت کو آج کی پیڑھی کے لیے مثال قرار دے رہے ہیں۔یاد رہے کہ بینظیر بھٹو 2007 میں راولپنڈی میں خودکش حملے میں شہید ہو گئی تھیں۔ محترمہ بینظیر بھٹو 2 بار وزیرِ اعظم پاکستان کے عہدے پر فائز رہیں۔