اسلام آباد (مانیٹرنگ ڈیسک) جی ٹی روڈ پر ٹیکسلا کی حدود میں پی ٹی آئی کے حامیوں نے بدھ کی رات ایک بینرز آویزاں کر دیا جس پر ’’اختتام حدود وزیراعظم ‘‘ تحریر تھا اور بینر پر وزیر اعظم محمد شہباز شریف کی تصویر بھی کارٹون کی شکل میں موجود تھی ،بینر پر منجانب اہلیان آزاد پاکستان بھی تحریر تھا ،یہ بینر سوشل میڈیا پر تو چند منٹوں میں ہی وائرل ہوگیا تاہم جڑواں شہر کی انتظامیہ کے اہلکار جب متعلقہ جگہ پر پہنچے تو بینر غائب تھا ۔یاد رہے کہ پی ٹی آئی کے کئی رہنمائوں کی جانب سے یہ بات تواتر کیساتھ کہی جارہی ہے کہ شہبازشریف اب صرف اسلام آباد کے وزیر اعظم رہ گئے ہیں ۔